ЮНИСОН Групп SECCA долбоорунун жыйынтыктоочу тегерек столуна катышты. Иш чара Бишкек шаарында European Union жана Кыргыз Республикасынын Энергетика министрлиги колдоосу менен өттү.
SECCA долбоору Борбор Азия өлкөлөрүндө туруктуу энергетикалык өтүүнү илгерилетүүгө багытталган. Анын алкагында аймактык кызматташтыкты өнүктүрүү, саясатты өркүндөтүү, мамлекеттик институттардын потенциалын чыңдоо жана кайра жаралуучу энергия булактарына жана энергия натыйжалуулугуна инвестицияларды колдоо каралган.
Иш чаранын жүрүшүндө долбоордун негизги жыйынтыктары, мыкты тажрыйбалар жана туруктуу энергетиканы өнүктүрүүнүн кийинки кадамдары талкууланды. Алардын ичинде энергиялык моделдөө, имараттардын энергия натыйжалуулугун жогорулатуу жана таза энергетикага инвестиция тартуу маселелери каралды.
Кыргыз Республикасынын энергетика министринин орун басары Алтынбек Рысбеков энергия натыйжалуулугун өнүктүрүү, пландаштыруунун заманбап инструменттерин киргизүү жана энергияны үнөмдөөгө системалуу мамиле өлкөнүн туруктуу энергетикалык балансын түзүүдө негизги мааниге ээ экенин белгиледи.
«Кыргызстанда заманбап технологиялар активдүү өнүгүп жатат, алар курулуш тармагында барган сайын көбүрөөк колдонулууда. ЮНИСОН Групп имараттардын энергия натыйжалуулугу жана энергияны үнөмдөө жаатындагы мыйзамдарды иштеп чыгууга өз салымын кошту. Ошол эле учурда суунун азайышы жана климаттын өзгөрүшү сыяктуу факторлорду эске алуу маанилүү. SECCA долбоору кыска убакыт ичинде чоң иштерди аткарды, анын ичинде жаңы ченемдик укуктук актыларды иштеп чыгууга көмөк көрсөттү», — деп белгиледи Жаныбек Кулумбетов.
Уюмубуздун катышуусу тажрыйба алмашуу, өнөктөштүктү чыңдоо жана Кыргызстанда жашыл энергетиканы өнүктүрүүнүн кийинки кадамдарын талкуулоо үчүн маанилүү аянтча болду.
